Superliga vjen me dy ndeshje, derbi në Suharekë
Sot zhvillohen dy ndeshjet e radhës të xhiros së dytë të Superligës së Kosovës.
Në Suharekë, Ballkani e pret Feronikelin në ndeshjen më interesante të javës.
Dy skuadrat kanë fituar bindshëm në javën e parë dhe tani kërkojnë pikët e plota për të marrë kreun.
Në Podujevë zhvillohet ndeshja tjetër e kësaj jave, shkruan Indeksonline.
Llapi e pret Gjilanin në stadiumin “Zahir Pajaziti”.
Skuadra e Batatinës zhvillon ndeshjen e parë pasi pushoi në javën e parë derisa Gjilani kërkon të rimëkëmbet pas humbjes në javën e parë.
Ndeshja në mes të Dritës dhe Trepça ’89 është shtyrë për shkak të obligimeve të skuadrës kampionë në Europa League. /IndeksOnline/