Tahiri bisedon me Thaçin me telefon: E njoftova se nesër zëri i shqiptarëve do të dëgjohet fuqishëm në Shkup

Kandidati për deputet në listën e PDK-së, Abelard Tahiri ka njoftuar se sot ka zhvilluar një bisedë telefonike me ish-presidentin e Kosovës, Hashim Thaçi i cili po vazhdon të mbahet në paraburgim në Hagë, nën akuzat e Gjykatës Speciale.

Tahiri në postimin e bërë tha se e ka njoftuar Thaçin që në protestën e nesërme në Shkup do të dëgjohet fuqishëm zëri i shqiptarëve.

Nesër do të mbahet protesta e radhës e organizuar nga OVL e UÇK-së në mbështetje të ish-krerëve të UÇK-së që po mbahen në Hagë.

Postimi i plotë:

Gjithmonë emocionuese me bisedu me presidentin Thaçi. Në bisedën telefonike që pata sot me të, e njoftova se nesër zëri i shqiptarëve do të dëgjohet fuqishëm në Shkup, sepse kur kërkohet drejtësi, nuk ka kufij. Drejtësi dhe liri për çlirimtarët, për ata që i dhanë liri këtij vendi dhe dinjitet këtij populli!