Tahiri: Fotografia e dhimbshme që ka krijuar qeverisja Kurti është migrimi i qytetarëve

Shefi i Grupit parlamentar të PDK-së Abelard  Tahiri në seancën e kuvendit, ku po diskutohet për qeverisjen Kurti gjatë këtij mandati, ka thënë se është i dhimbshëm migrimi i madh i qytetarëve, viteve të fundit.

“Cila është Kosova sot, pas katër vjet qeverisjeje të kryeministrit Kurti. Cila është pamja sot. Fenomeni më i dhimshëm gjatë qeverisjes është emigrimi i qytetarëve, zbrazja e vendit.  Pra fotografia më e dhimbshme që e ka krijuar kjo qeverisje është migrimi i qytetarëve. 600 mjekë e kanë lëshuar Kosovën. Fatkeqësisht Kosova gjatë katër vjetëve, është zvogëluar në popullsinë e saj, gjë që s’kishte dashur askush nga ne”, tha ai.

Ndërsa po ashtu tha se është e dhimbshme dhe raporti i Kosovës me SHBA-në.

Tahiri po ashtu tha se Kurti gjatë fjalimit të tij në senacë, ku ka folur për të arriturat e qeverisë së tij për këto katër vjet, nuk qe i gatshëm të përmendte asnjë projekt të përfunduar në këta katër vjet./Indeksonline/