Tahiri, Kurtit: 17 shkurtit kuptim i kanë dhënë ushtria, njohjet – t’shkuan 4 vjet me rima
![](https://indeksonline.net/wp-content/uploads/2023/05/besnik-tahiri.png)
Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri, ka reaguar ndaj deklaratës së kryeministrit Kurti i cili tha sot se qeverisja e tij i ka dhënë kuptim 17 shkurtit.
Tahiri ka thënë se janë njohjet, ushtria, pavarësimi energjetik e statuti i Trepçës.
“17 shkurtit i kanë dhënë kuptim njohjet e shtetësisë, i kanë dhënë kuptim themelimi i Ushtrisë, pavarësimi energjetik, rregullimi i statutit të Trepçës, rritjet e pagave, orët shtesë për policinë e shumë shumë vendime tjera. Lej more rimat me filtera e bojlera po përfundojë naj projekt a ndonjë rrugë se t’shkoi mandati 4 vjeçar me rima!”, ka thënë Tahiri.