Takim mes yjesh, Penélope Cruz bëhet bashkë me yllin kosovar Dua Lipën

Java e Modës në Paris ka vërtetuar edhe një herë pse sfilata e Chanel Haute Couture është një nga ngjarjet më të pritura të sezonit.

Këtë vit, vëmendja u shtri përtej pistës, duke u përqendruar pikërisht në rreshtin e parë, ku emrat më elegantë të botës u mblodhën për të shijuar këtë ngjarje, transmeton indeksonline.

Midis personazheve të shquara, Penélope Cruz u shfaq përkrah Dua Lipës, Nicole Kidman dhe Tilda Swinton, duke lënë mbresa jo vetëm me zgjedhjet e saj të veshjeve, por edhe me një model të ri flokësh.

Cruz u ul në rreshtin e parë me Dua Lipën, e cila shkëlqente me një kostum të verdhë dhe të kuq që të kujtonte vitet e guximshme të 80-tave.

Dy divat nuk humbën kohë duke treguar shoqërinë e tyre, duke qeshur dhe duke bërë selfie së bashku. /Indeksonline/