Takimi tjetër mund të mbahet në Mal të Zi, pamje nga pjesëmarrja e liderëve të rajonit në Shkup

Liderët e vendeve të rajonit, pjesëmarrës në Procesin Bërdo Brioni, miratuan në Samitin e Shkupit një deklaratë që kërkon përshpejtimin e integrimit të vendeve të Ballkanit Perëndimor në Bashkimin Evropian, që trajton çështjen e klimës, ndryshimi dhe përmirësimi i kushteve të jetesës së të rinjve në rajon.

Në deklaratë, ata u zotuan se, duke konfirmuar qëndrimin e tyre për politikën e zgjerimit të Bashkimit Evropian dhe perspektivën e anëtarësimit të Ballkanit Perëndimor në BE, si kontributin më të drejtpërdrejtë në ruajtjen e paqes dhe stabilitetit – tani më shumë se kurrë, do të intensifikohet dialogu strategjik me institucionet e Bashkimit me qëllim përshpejtimin e procesit të anëtarësimit në BE dhe parandalimin e neglizhencës së rajonit.

Pjesëmarrësi në takim, presidenti malazez Jakov Milatoviq, bëri të ditur se me ndryshimin e Deklaratës, ka kërkuar që afati për gatishmërinë për zgjerimin e BE-së në vitin 2030 të modifikohet në atë mënyrë që shtetet kandidate, në përputhje me meritat e tyre, të mund të hyjnë shumë më herët.

Milatoviq gjithashtu propozoi që Mali i Zi të jetë vendi pritës i Samitit të ardhshëm, për të cilin thotë se është mbështetur nga të gjithë pjesëmarrësit.