Taylor Swift dhe Travis Kelce ndezin atmosferën në Brooklyn, banorët mbeten të shtangur nga prania e tyre në dasmën sekrete

Për bashkëpronarët e barit Honey’s, Arley Marks dhe Daniel Gladstone, mbrëmja e së shtunës në Brooklyn dukej si çdo natë tjetër.

Të paktën deri në momentin kur Taylor Swift dhe Travis Kelce mbërritën në një event privat që po mbahej në barin e koktejeve më 16 maj, transmeton Indeksonline.

Eventi ishte dasma e mikut të fëmijërisë së Kelce, Eli London, i cili sipas pronarëve ka qenë klient i rregullt i Honey’s që nga hapja e lokalit në vitin 2016.

Stafi i lokalit ishte paralajmëruar paraprakisht se në event do të merrte pjesë një “mysafir i profilit të lartë”, por Marks dhe Gladstone thanë për Daily Mail se askush nuk e priste që fituesja e 14 çmimeve Grammy të ishte personi që do të hynte në lokalin e tyre.

“Ajo u soll thjesht si një mysafire e zakonshme dasme,” tha Gladstone. “Ishte si çdo dasmë tjetër që organizojmë këtu, dhe ajo ishte shumë mirënjohëse.”

Këtë javë, foto dhe video të yllit të muzikës dhe lojtarit të Kansas City Chiefs duke mbërritur në lokalin në Brooklyn u përhapën me shpejtësi në rrjetet sociale./Indeksonline/