Të shtëna me armë në Prizren, plagoset një 29-vjeçar

Një 29-vjeçar është plagosur si pasojë e të shtënave me armë zjarri, në Prizren.

Ngjarja ka ndodhur sot në rrugën “Ismet Jashari”, raporton IndeksOnline.

Rastin e ka konfirmuar edhe zëdhënësi i policisë për rajonin e Prizrenit, Shaqir Bytyqi.

“Rreth orës 18:12, nga Emergjenca e Spitalit Rajonal të Prizrenit është njoftuar se një person kishte kërkuar ndihmë mjekësore si pasojë e plagosjes nga arma e zjarrit. Viktima, Z.B., mashkull 29 vjeç, ka pësuar plagë në këmbën e majtë dhe sipas mjekut gjendja e tij është stabile”, ka thënë Bytyqi.

Nga ana tjetër, Bytyqi konfirmoi se i dyshuari për këtë incident, 24-vjeçari V.S., u paraqit në stacion policor rreth një orë më vonë, me ftesë të policisë.

“Njësitë përkatëse policore kanë dalë menjëherë në vendngjarje dhe janë duke ndërmarrë të gjitha veprimet e nevojshme hetimore.

Lidhur me rastin, procedurat e mëtejshme po zhvillohen në koordinim me Prokurorin e Shtetit” deklaroi Bytyqi./IndeksOnline/