Të shtënat në Washington/ Vdes një pjesëtare e Gardës Kombëtare

Një ngjarje e rëndë ka ndodhur të mërkurën në Washington DC, ku dy anëtarë të Gardës Kombëtare u qëlluan nga afërsia pranë sheshit Farragut, në qendër të qytetit.

Një prej tyre, 20-vjeçarja Sarah Beckstrom, ka ndërruar jetë si pasojë e plagëve të marra.

Lajmin e ka bërë të ditur presidenti i SHBA-së, Donald Trump, transmeton IndeksOnline.

Anëtari tjetër i Gardës Kombëtare, 24-vjeçari Andrew Wolfe, po trajtohet në gjendje kritike.

Policia ka arrestuar një të dyshuar për sulmin.

Sipas BBC-së, ai është identifikuar si Rahmanullah Lakanwal, 29 vjeç, me origjinë nga Afganistani.

Hetimet mbi motivet e incidentit dhe rrethanat e plota të ngjarjes po vazhdojnë.