Tejeci-Çela nis punën si notere në Prizren
Prizreni është bërë me një notere të re. Nga 1 shtatori ka filluar punën zyra noteriale në krye me noteren Meral Tejeci-Çela.
Noterja Meral Tejeci-Çela, ka të përfunduara studimet postdiplomike në Universitetin e Zagrebit (Kroaci), e njëjta ka përvojë shumëvjeçare në institucione publike, banka dhe në noteri me theks të veçantë në lëmine juridiko-pronësore, trashëgimore, kontrata dhe çështje familjare.
Zyra ofron shërbime noteriale për të gjitha llojet e kontratave të pasurive të luajtshme dhe të paluajtshme, deklarata/autorizime, vërtetime/pëlqime e poashtu edhe për zhvillimin e procedurës së trashëgimisë.
Zyra noteriale gjendet në rrugën “Remzi Ademaj”, objekti (ish – Aurora), lagjia Tabakhane nr.228, Prizren, më saktësisht afër Gjykatës Themelore në Prizren.
Aty mund të drejtohen të gjithë qytetarët që kanë nevojë për shërbime ligjore dhe noteriale si:
1. Hartimi dhe vërtetimi i kontratave:
• Kontrata shitblerjeje të patundshmërive
• Kontrata shitblerjeje të veturave
• Kontrata dhurimi
• Kontrata qiradhënie/qiramarrje
• Kontrata huaje dhe garancie
• Marrëveshje bashkëpronësie dhe ndarjeje
2. Vërtetimi i deklaratave dhe autorizimeve:
• Deklarata të ndryshme personale dhe biznesore
• Autorizime për veprime ligjore, pronësore apo përfaqësime jashtë vendit
• Pëlqime prindërore për udhëtime jashtë vendit
3. Legalizimi i dokumenteve dhe nënshkrimeve:
• Legalizim i nënshkrimeve në dokumente private
• Legalizim i kopjeve të dokumenteve origjinale
4. Hartimi dhe ruajtja e testamentëve:
• Testamente personale dhe të përbashkëta
• Këshillim mbi përmbajtjen dhe formatin e testamentit
• Regjistrim dhe ruajtje e testamentit në arkivën noteriale
5. Aktet noteriale të trashëgimisë:
• Procesverbale të hapjes së testamentit
• Dokumentacion për ndarjen e trashëgimisë
• Konfirmim i trashëgimtarëve ligjorë
6. Shërbime për biznese:
• Konstituimi i shoqërive afariste (shpk, sh.a.)
• Vërtetimi i ndryshimeve në statut dhe organet drejtuese
• Përfaqësim i aksionarëve dhe investitorëve
7. Shërbime me urgjencë dhe jashtë zyrës (me marrëveshje):
• Vërtetim i dokumenteve të ndryshme etj.
