Tejkaluan shpejtësinë e lejuar, policia gjobit tre shoferë me 1300 euro, ua merr edhe patentëshoferët

Policia në Prizren ka shqiptuar tri gjoba me nga 500 euro ndaj shoferëve për tejkalim të shpejtësisë.

Në komunikatë thuhet se dy prej tyre u është marrë edhe leja për gjashtë muaj ndërsa njërit për tre muaj.

Komunikata:

Policia në Prizren sekuestron tre patentëshoferë për tejkalim të shpejtësisë

Prizren, 3 nëntor 2025

Njësitet e Trafikut Rajonal në Prizren, gjatë realizimit të detyrave të tyre të rregullta me vetura inteligjente, radarë mobilë dhe radarë statikë, më datat 29.10.2025 dhe 31.10.2025 kanë identifikuar disa kundërvajtës të cilët kanë tejkaluar ndjeshëm kufirin e lejuar të shpejtësisë.

Gjatë kontrollit në zonën 50 km/h, janë regjistruar shpejtësi prej:

• 104 km/h, 107 km/h, 140 km/h

Personat e përfshirë janë ndaluar nga njësitet përkatëse dhe ndaj tyre janë marrë masa ligjore sipas legjislacionit në fuqi:
• Dy kundërvajtës janë ndëshkuar me:

o Gjobë prej 500 eurosh, 5 pikë negative, ndalim i drejtimit të mjetit motorik për 6 muaj
• Një kundërvajtës është ndëshkuar me:

o Gjobë prej 300 eurosh, 3 pikë negative, ndalim i drejtimit të mjetit motorik për 3 muaj

Bashkëngjitur komunikatës janë fotografitë, videoincizimet dhe fletëparaqitjet zyrtare të kundërvajtjeve të evidentuara.

Apelohen ngasësit e automjeteve që të rrisin ndërgjegjësimin dhe të respektojnë rregullat e trafikut.