Temperaturat e larta, Shërbimi i kërkim-shpëtimit malor me paralajmërim për qytetarët

Shërbimi i kërkim-shpëtimit malor të Kosovës u ka bërë thirrje qytetarëve të kenë kujdes dhe të mos bëhen përhapës të zjarreve në vend.

Me ngritjen e temperaturave, është rritur edhe rreziku nga zjarri, andaj nga SHKSHMK-ja paralajmërojnë të mos ndizen zjarre në pyje në parqe kombëtare, të mos hedhen filterat e duhanit dhe të lajmërohen njësitet emergjente në rast zjarri.

Ky është njoftimi i plotë:

Vëmendje!

Të dashur qytetarë dhe bjeshkatarë.

Ditëve në vijim nga shërbimet meteorologjike paralajmërohet se mbi vendin tonë do të mbretërojnë temperatura të larta.

Andaj keni kujdes, dhe mos u bëni shkaktar i përhapjes së zjarreve në malet tona të bukura.

-Mos lejoni që të dëmtohet pasuria jonë kombëtare.

-Mos ndizni zjarre në zona malore,

-Mos ndizni zjarre në pyje

-Mos ndizni zjarre në parqe kombëtare ( e ndaluar me ligj! ).

-Mos i gjuani filterat e duhanit.

Nëse vëreni zjarre lajmëroni në numrat:

112

192

193