Tensionet me Iranin, amerikanët s’duan luftë

Amerikanët nuk duan luftë me Iranin.

Për ta treguar një gjë të tillë, mijëra qytetarë dolën në rrugët e qyteteve të ndryshme të Shteteve të Bashkuara, për të manifestuar pro paqes dhe zgjidhjes së konfliktit me diplomaci.

Ata dënuan sulmin ajror amerikan, që vrau komandantin ushtarak iranian, Qasem Soleimani.

Gjithashtu, ata kundërshtuan planin e Uashingtonit për të dërguar trupa shtesë në Lindjen e Mesme.

Manifestime kundër luftës dhe pro paqes u mbajtën në Çikago, Denver, Atlanta dhe New York.

Sipas autoriteteve, pjesëmarrës ishin dhjetëra mijëra qytetarë.