Tensionet në fund të ndeshjes, Allegri shpjegon çfarë ndodhi

Milani mundi Lazion dhe fluturon në krye të klasifikimit. Në përfundim të sfidës së San Siros, Massimiliano Allegri foli për Sky Sport për të treguar se cfarë ndodhi në minutat e fundit duke parë edhe tensionin e lartë të shfaqur pas një penalltie që nuk iu akordua Lazios.

‘Në minutat e fundit pati pak konfuzion dhe nuk ishte e lehtë për të, që për më tepër arbitroi mirë, mori një vendim pas thirrjes nga VAR-tha Allegri që u ndëshkua me kartonin e kuq-ishte arbitri që kishim edhe në ndeshjen me Cremonesen. I thashe: Sa herë je ti ndodh gjithnjë ndonjë rrëmujë’, por nuk e ofendova’

Më pas trajneri i Milanit bëri edhe analizën e ndeshjes së San Siros. ‘Në pjesën e parë patëm vështirësi sepse Lazio ushtroi shumë presion dhe nuk la linja pasimi-tha Allegri-në pjesën e dytë e rritëm ritmin e lojës dhe ata pësuan rënie, me situata të favorshme edhe përpara shënimit të golit’

Milan është në krye të klasifikimit edhe pse përkohësisht.

‘Tani duhet të ruajmë këtë entuziazëm dhe këtë përulësi, dëshirën për të luajtur si skuadër, me entuziazëm. Mund të gabosh apo jo, por nuk duhet hequr kurrë dorë nga loja si grup-shtoi Allegri.

Ai që vendosi fatin e ndeshjes, ishte Rafael Leao që u aktivizua sërish si qendërsulmues. ‘ E bënte këtë edhe te Lille, është në karakteristikat e tij-tha Allegri-realizoi një gjuajtje të bukur me kokë’. Ndërsa për Rabiot, trajneri livornez tha: ‘Të gjithë janë të rëndësishëm. Adrien në krahasim me vitin e fundit të tij me Juventusin u rrit shumë. Ka shumë fuqi fizike dhe është njeri që luan për skuadrën. Nëse do të luftosh për kreun duhet të kesh një lojtar skuadre. Edhe Gabbia, Pavlovidc janë futbollistë që japin zemrën në atë që bëjnë. Ka futbollistë që kanë disa motorë dhe ai është një prej tyre’