Tentim vrasje në Podujevë, plumba në drejtim të veturës
Mbrëmë pas mesnate në fshatin Siboc të Podujevës janë dëgjuar të shtëna armësh.
Një lexues ka dërguar në redaksinë e Indeksonline disa pamje ku shihen gjurmë të plumbave në një veturë.
Rastit i janë përgjigjur njësia e Policisë e cila ka dalë në vend ngjarje dhe po merret me rastin.
Pronari i veturës nuk ka pësuar lëndime nga ky tentim, mirëpo, siç shihet në pamje, në dritaret e veturës ka disa shenja të plumbave.
Policia po merret me hetimet për motivet e këtij sulmi./Indeksonline/