Tentimi i dytë i presidentit Thaçi për t’i dekretuar gjyqtarët e prokurorët serbë
Pas dështimit të parë, Presidenca e Kosovës ka njoftuar se dekretimi i gjyqtarëve dhe prokurorëve nga komunitetet jo shumicë, do të bëhet të martën e javës së ardhshme, më 24 tetor 2017.
“Dekretimi i tyre është edhe një nga masat afirmative, të cilat institucionet e Republikës së Kosovës i ndërmarrin për të arritur një barazi të plotë dhe efektive të pjesëtarëve të komuniteteve në të gjitha fushat e jetës, ekonomike, shoqërore, politike dhe kulturore”, thuhet në njoftim.
Me aktin e betimit, bëhet edhe zbatimi i plotë të Marrëveshjes për Drejtësi të arritur në Bruksel, më datën 10 shkurt 2015.
Presidenti Thaçi ka akuzuar Serbinë dhe ka kritikuar BE-në që ky proces nuk u përmbyll gjatë kësaj jave./AktivPress