Terras dënon ndërhyrjen e Serbisë në zgjedhjet e 12 tetorit

Raportuesi i Parlamentit Evropian për Kosovën Riho Terras dënon fuqishëm manipulimin parazgjedhor dhe ndërhyrjen në punët e brendshme të Kosovës nga presidenti serb Aleksandar Vuçiq.

Ai ka thënë se para zgjedhjeve të së dielës në Kosovë, ndikimi dhe ndërhyrja direkte e Serbisë ka qenë edhe një herë e qartë.

Zyrtarët e Qeverisë së Serbisë kanë deklaruar publikisht mbështetjen e tyre specifike për një parti politike serbe të Kosovës. Veprimet e Serbisë janë direkt me qëllim të eskalimit të situatës tashmet të ndjeshme në Kosovës dhe qartësisht janë armiqësore, ka thënë ai.

Terras i bën thirrje Qeverisë së Serbisë që të ndalojë ndërhyrjen në zgjedhjet e Kosovës dhe të lejojë popullin e Kosovës që në mënyrë demokratike të zgjedhë përfaqësuesit e saj lokalë.

Ndërhyja e Serbisë në zgjedhjet në Kosovë ishte ngritur si shqetësim tashmë edhe nga shefja e vëzhguesve të Bashkimit Evropian pas zgjedhjeve parlamentare të 9 shkurtit.

I strongly condemn the pre-election manipulation and interference in the internal affairs of #Kosovo by 🇷🇸President @avucic.
See the full text below👇#Kosovo @Serbia @EPPGroup @politico pic.twitter.com/KJcvYxbgZX

— Riho Terras (@RihoTerras) October 10, 2025