Terroristi shqiptar përsëriti sulmin që ndodhi në të njëjtin vend në vitin 1981: Ky ishte plani i tij!

Gazetari i njohur austriak, Florian Klenk, i cili po merret me hulumtimin e sulmit terrorist të natës së kaluar në Vjenë, ka sjellë detaje të reja mbi sulmuesit.

Në postimin  e fundit në Twitter, ai ka publikuar një fotografi, i cili sipas tij është një nga terroristët.

Bëhet fjalë për 20 vjeçarin Kujtim F. i cili thuhet se është me prejardhje shqiptare nga Maqedonia e Veriut.

Klenk, ka publikuar një artikull të gjatë mbi biografinë e shqiptarit që u vra mbrëmë nga policia në Vjenë.

“Kujtim F, lindi në Mödling 20 vjet më parë nga prindër të Maqedonisë së Veriut, siç konfirmoi Ministri i Brendshëm Karl Nehammer. Të hënën, pak pas orës tetë të mbrëmjes, ai vizitoi zonën e pazarit pranë Schëedenplatz, por është e paqartë nëse ai ishte vetëm. Pushka e tij sulmuese tregon se ai po përgatitej për sulmin.

Kujtim F. thuhet të ketë qenë një simpatizant i radikalizuar i të ashtuquajturës IS, zyrtarët ishin në gjendje ta identifikonin atë shpejt, dhe atë natë ata i hodhën në erë apartamentin e tij për një kontroll. Gjatë pubertetit ai studioi Islamin intensivisht, pas së cilës u ndesh me probleme, në shtëpi dhe në shkollë. Ai vizitonte rregullisht një xhami të njohur për Zyrën për Mbrojtjen e Kushtetutës në Josefstadt”, shkruan gazetari austriak, transmeton IndeksOnline.

Kujtim F. ishte i njohur për autoritetet: ai ishte një nga ata islamikë që donin të udhëtonin nga Austria në Siri për në “kalifat” dhe e arriti deri në Turqi. Në vitin 2019 ai u burgos në Austri për shtatë muaj e gjysmë për anëtarësim në një organizatë terroriste. Me sa duket policia nuk besonte se Kujtim F. po planifikonte një sulm në Vjenë.

Tani cili ishte motivi i këtij djali?- shkruan Klenk.

 “Ka shumë indikacione se Kujtim F. zgjodhi shënjestrën e tij me kujdes. Në vitin 1981, në të njëjtën vend  një skuadër terroriste palestineze sulmoi sinagogën kryesore të komunitetit hebre të Vjenës dhe vrau dy njerëz. Kujtim F. mund të ketë lexuar këtë akt terrorizmi në mënyrë që të shkaktojë më pas një banjë gjaku përpara kamerave të vëzhgimit të komunitetit fetar në Trekëndëshin e Bermudës.

Rabini i komunitetit Schlomo Hofmeister ishte një dëshmitar okular në dritaren e banesës së tij, ai pretendon të ketë parë “një ose më shumë” autorë të krimit që “specifikisht” shënjestruan njerëzit në kopshtet e restorantit. Tavolinat ishin plot atë mbrëmje, vrasja filloi pak pas orës 8 pasdite.

Në Seitenstettengasse, përballë tempullit të qytetit izraelit dhe përpara lokalit me koktej Meinz, vrasësi qëllon në drejtim të një kalimtari ndërsa kalon. Ai vrapon edhe një herë prapa dhe qëllon me një pistoletë në drejtim të të riut që është shtrirë në tokë dhe e mban dorën përpara fytyrës”.

Në fund hulumtuesi shkruan se terroristi ishte i njohur për organet e rendit. Ndërsa Vjena po vazhdon të jetë e rrethuar nga forca të shumta policësh në çdo cep./Indeksonline