Testimet e reja për koronavirus – Te Gjilani një futbollist del pozitiv
Me testimet e reja për koronavirus te klubi i Gjilanit, një futbollist ka rezultuar pozitiv.
Lajmin e ka bërë të ditur vet klubi i Gjilanit përmes një komunikat zyrtare të lëshuar në faqen e tyre në “Facebook”, shkruan IndeksOnline
Gjithashtu pozitiv del edhe një pjesëtar i shtabit teknik, ku sipas klubit gjendja e tyre është stabile dhe që të dy janë izoluar.
“KOMUNIKATË ZYRTARE
Sport Club “Gjilani” informon gjithë opinionin publik se pas ritestimeve ditën e sotme në testin për Covid-19, pozitiv kanë rezultuar një futbollist dhe një anëtarë i shtabit teknik në skuadrën e Gjilanit.
Gjendja e pjestarëve të klubit është mjaftë stabile, ku ata nuk kanë ndonjë simptomë të virusit Covid-19 dhe janë izoluar në shtëpit e tyre, kurse ditëve në vijim pritet ritestimi i tyre.
Pjesa tjetër e skuadrës e gjitha ka rezultuar negativ në testimin e fundit, ku edhe janë karantinuar në një hotel afër qytetit të Gjlanit, deri në zhvillimin e takimit kundër Tre Pennes në San Marino.
Sport Club “Gjilani” falemnderon Institutin Kombëtar të shëndetësisë Publike për mundësinë e ritestimeve dhe gjitha mediumet për bashkëpunimin e ofruar”.
