Teuta Krasniqi fjalë prekëse për fëmijët e komunitetit romë

Aktorja e njohur, Teuta Krasniqi shpesh herë nxit reagime me deklarata që bënë dhe postimet në rrjetet sociale.

Por, këtë herë përmes një statusi në ‘Instagram’ ajo ka ngritur një çështje e cila është e lënë anash dhe kjo duket se e ka prekur shumë aktoren, shkruan Indeksonline.

Teuta ka shkruar disa fjalë mjaft emocionuese për fëmijët e komunitetit romë që sipas saj janë harruar nga të gjithë dhe si çdo kush tjetër në botë edhe ata meritojnë të jenë të barabartë dhe të iu dhurohet dashuri.

Statusi i saj i plotë:

Njerezit duhet te kene dhembsuri per te gjithe njerezit tjere ne nevoje, njesoj, pa dallim race, entie apo feje. E dijme qe ka shume familje ne nevoje ne vendin tone, por shyqyr qe here pas here ka iniciativa per t’u dale ne ndihme njerezit vullnet mire, te njejten e kam bere edhe vet disa vite me pare… Sidoqofte, ajo qe me ben me m’dhimt zemra cdo dite, jane femijet e vegjel te komunitetit Romë… Femija eshte i brishte, i pafashjem, ka nevoje per dashuri, ngrohtesi dhe komoditet. Si mund te rritet nje femije ne semafora, duke thith ajrin e ndotur nga veturat? -10 apo +35 grade gjithmone jashte… Duke u mesuar nga mosha 2 vjec ta shtrij doren per te kerkuar lemoshe, duke pare me uri e lakmi cdo femije tjeter, moshatar te tyre ne veturat qe ju kalojne para syve, duke mos e kuptuar pse duhet te jemi kaq te ndryshem… O Zot, gjynah bre… ajo qe une nuk e kuptoj eshte se pse neve, pothuajse te gjitheve, na duket kjo nje gje krejt normale… qe nje femije i ketij komuniteti eshte normale te rritet ne kete menyre… Po sikur t’kish qene njeri nga keta femije i cilitdo nacionaliteti tjeter jam e sigurt qe krejt kishim reagu… por per femijet e komunitetit Romë bash kerkush nuk reagon, duke na u shenderru kjo dukuri ne dicka krejt normale. Nuk e di… thjeshte nuk e di as prej nga ish dasht me fillu me ndryshu kjo gjendje, por ish dasht me ndryshu… nga dikush… diku… besoj nga secili prej nesh… Te pakten te fillojme qe mos ta shohim si dicka krejt normale kur shohim beba dhe femije te vegjel jashte ne rruge, te pakten te mos sillemi keq me keta femije, te pakten te sjellemi njerezishem dhe te ju buzeqeshim kur na takohen syte me keta femije, te pakten mos ti trajtojme ne nderdijen tone sikur “k’ta jane ndryshe” sepse nuk jane ndryshe, vec kane pasur me pak fat se ne… Femijet jane femije dhe jane njesoj te gjithe… ashtu duhet ti shohim e ti trajtojmë.