Thaçi i pikëlluar nga vdekja tragjike e zëvendësministrit Arian Daci

Presidenti i Kosovës, Hashim Thaçi ka pranuar me pikëllim lajmin për vdekjen tragjike të zëvendësministrit të Diasporës, Arian Daci.

Thaçi i ka shprehur ngushëllime më të sinqerta akademikut Daci dhe familjes së tij, transmeton Indeksonline.

Postimi i plotë:

Me pikëllim të madh kam pranuar lajmin për vdekjen tragjike të zëvendësministrit të Diasporës, Arian Daci, djalit të kryetarit të Akademisë së Shkencave dhe mikut tim, Nexhat Daci. Në këto momente shumë të rënda, si President dhe mik i familjes, në emrin tim dhe qytetarëve të Kosovës i shpreh ngushëllimet më të sinqerta kryetarit Daci dhe familjes së tij. HTH