Thaçi përgatit çaj sipas kulturës japoneze

President i Kosovës Hashim Thaçi, po qëndron në Japoni, vizitë kjo që shënon edhe 10 vjetorin e lidhjes diplomatike në mes Kosovës dhe Japonisë.

Pas takimeve me zyrtarë të këtij shteti, Presidenti po njihet nga afër edhe me kulturën dhe traditën e këtij vendi.

Thaçi është njoftuar edhe me traditën e përgatitjes së çajit, gjë të cilën e ka praktikuar edhe vet, duke përgatitur çaj sipas traditës japoneze.

“Kultura e përgatitjes së çajit në Japoni është unike në botë. Një ceremoni të përgatitjes së çajit, sipas traditës, e udhëhoqa edhe vetë, në nderim të mikëpritjes dhe shijimit të natyrës”, shkruan Thaçi.