Thashethemet e fundit për Kate Middleton detyrojnë Pallatin Mbretëror të reagojë

Tatler, një revistë britanike, publikoi disa informacione në lidhje me mënyrën si Kate Middleton po përballon situatën e tanishme, që mesa duket, sipas revistës, është tepër e ngarkuar për shkak të largimit të princit Harry dhe Meghan Markle.

Now more than ever, the country is looking to Kate https://t.co/hVL2FSmxGe

— Tatler (@Tatlermagazine) May 26, 2020

Sipas Tatler, dukesha, e cila shfaqet në kopertinën e tyre, po përballet me shumë përgjegjësi. “William dhe Catherine dëshironin të shpenzonin më shumë kohë me fëmijët, por duka dhe dukesha e Sussex-it ua vështirësuan punën,” tha një burim i brendshëm për revistën. “Përgjegjësitë e tyre janë më të mëdha tani”.

Një burim, mik i Kate, thotë se dukesha “është e zemëruar për gjithë ngarkesën e punës”, duke shtuar se “sigurisht që duket e buzëqeshur dhe e veshur mirë, por kjo nuk është ajo çfarë ajo do. Ndihet e rraskapiur dhe e bllokuar.”

Pallati Mbretëror rrallë u përgjigjet artikujve të gazetave dhe revistave, por lëshoi një deklaratë ku thekson se “artikulli i Tatler përmban pasaktësi dhe informacione të rreme”.

Kensington Palace makes unusual step of putting out statement to slap down some claims made about the Duchess of Cambridge in @Tatlermagazine:
“This story contains a swathe of inaccuracies & false misrepresentations which were not put to Kensington Palace prior to publication.”

— Chris Ship (@chrisshipitv) May 27, 2020