“Topin e artë” apo Ligën e Kampionëve? Ja si përgjigjet Mbappe

Kylian Mbappe po kalon një sezon të mirë në La Liga.

Ndonëse kishte pasur një fillim të ngadalshëm, Mbappe u rikthye në atë që e njohim të gjithë duke shënuar 22 gola në kampionatin spanjoll.

Mbappe, në një intervistë për një medium spanjoll, u pyet se a do të donte të fitonte “Topin e artë” dhe Ligën e Kampionëve.

“’Topi i artë’ apo Liga e Kampionëve? Do të zgjidhja Champions Leaguen. Misioni është të fitojmë tituj dhe të bëjmë histori me Real Madridin”, u shpreh Mbappe.

Francezi, erdhi si transferim i lirë nga PSG-ja në verën e kaluar, ku në 46 paraqitje ka shënuar 32 gola dhe bëri 4 asistime në të gjitha garat./IndeksOnline/