Kryetari i Federatës së Futbollit të Kosovës, Agim Ademiz ka njoftuar se nga sot ka filluar turneu i futbollit të rrugës “Tournament Prishtina 2022”, i cili është nën patronatin e FFK-së, raporton Indeksonline.

Ky event, po zhvillohet në sheshin “Zahir Pajaziti”, në kryeqytet, dhe do të zgjasë deri më 29 qershor, teksa po marrin pjesë 20 ekipe.

Ky organizim është në mbikqyrje të
Getart Hysenit, Bajram Murturit dhe Lulzim Berishës.

Njoftimi i plotë i Agim Ademit:

Në kuadër të programit tim për zhvillimin e futbollit spontan (futbollit të rrugës), sot, ka filluar “Tournament Prishtina 2022”, nën patronatin e FFK-së e në mbikqyrje të
Getart Hysenit, Bajram Murturit dhe Lulzim Berishës.

Ky event, i cili po zhvillohet në sheshin “Zahir Pajaziti”, në kryeqytet, do të zgjasë deri më 29 qershor, teksa po marrin pjesë 20 ekipe.

Qysh në mbrëmjen e parë ky turne ka zgjuar interesim të madh. E përveç kënaqësisë që sjellë loja e futbollit për qytetarët dhe bashkëatdhetarët tanë gjatë këtyre mbrëmjeve verore, nga ky turne mund të dalin edhe talente, të cilët më pas do të mund të regjistrohen në klubet e futbollit dhe të futsallit.

Ju ftoj ta ndiqni nga afër këtë turne!

BashkëPërFutbollin

/Indeksonline/