Trajneri i La Ligës pothuajse e ‘konfirmon’ interesimin për Ter Stegenin

Raportimet për interesimin e Gironës ndaj portierit të Barcelonës, Marc-André ter Stegen, janë ftohur pasi trajneri Michel Sanchez foli me vlerësime të larta për gjermanin.

33-vjeçari duket se dëshiron të qëndrojë te klubi katalanas, por po përballet me presion për t’u larguar, të paktën përkohësisht.

Ter Stegen është rikthyer në formë dhe ka luajtur në Kupën e Mbretit më herët këtë muaj, por pritet të mbetet zëvendës i Joan Garcia.

“Ai është një lojtar i nivelit të lartë, të gjithë do të donin të kishin një portier si ter Stegen”, deklaroi Michel.

Pavarësisht interesimit dhe mundësisë për të humbur minuta loje në Kupën e Botës, raportohet se ter Stegen është kundër një transferimi te Girona.

Drejtori sportiv i Gjermanisë, Rudi Völler, ka përsëritur mesazhin e Julian Nagelsmann se ter Stegen duhet të luajë rregullisht për të qenë portieri numër një në Kupën e Botës, ndërsa klubi katalanas është i interesuar të kursejë nga paga e tij e lartë.