Trajneri i Veronës, fajëson Shqipërinë për lëndimin e Kumbullës

Futbollisti i Kombëtares së Shqipërisë, Marash Kumbulla, është lënduar së fundi në ndeshjen e Hellas Veronës.

19-vjeçari pritet të mungojë rrethë 8 javë, bëjnë të ditur mediat italiane.

E për këtë lëndim, trajneri i Hellas Veronës, Ivan Juriq, ka fajësuar edhe Kombëtaren kuqezi.

“Ka pasur probleme që nga Kombëtarja. Ne si shoqëri duhet të rrisim kujdesin ndaj këtyre gjërave. Sipas meje, është një dëmtim muskulor”, ka thënë trajneri Juriq.

Gjithsesi, kjo duket një deklarat paksa befasuese duke ditur se Kumbulla luajti te Shqipëria në muajin tetor dhe që nga ajo kohë ka zhvilluar disa ndeshje të nivelit të lartë në Serien A dhe nuk ka shfaqur asnjë problem.

Kujtojmë, pjesë e Hellas Veronës është edhe kapiteni i Kosovës, Amir Rrahmani.