Transfer i rrallë, një kosovar shkon në Mongoli

Volejbollisti i njohur kosovar, Adriatik Berisha, ka nisur një aventurë të re ndërkombëtare duke u transferuar në kampionatin elitar të Mongolisë, ku do të përfaqësojë skuadrën Darkhan Moguls.

Ai është dy herë kampion i Superligës së Kosovës (2023–2024 dhe 2024–2025), si dhe dy herë fitues i çmimit MVP në finalet e Kupës së Kosovës. 

Klubi mongol Darkhan Moguls e prezantoi Berishën si një nga përforcimet më të rëndësishme për sezonin e ri, duke theksuar përvojën dhe fuqinë e tij në bllok dhe sulm.