Tre të lënduar në nje aksident në rrugën Dragash-Prizren

Një aksident trafiku ka ndodhur pasditen e sotme në segmentin rrugor Dragash-Prizren.

Dy automjete u përfshinë në një aksident, teksa u raportua edhe për të lënduar, shkruan IndeksOnline.

Rastin e ka konfirmuar edhe zëdhënësi i policisë për rajonin e Prizrenit, Shaqir Bytyqi.

“Në aksident janë përfshirë dy automjete. Si pasojë e aksidentit përveç dëmeve materiale, tre persona kanë pësuar lëndime trupore.

Policia ka dalë në vendngjarje dhe është duke u marrë me rastin”, deklaroi Bytyqi për IndeksOnline.

Më poshtë pamje nga aksidenti./IndeksOnline/