Treguan kryqin në Turqi, ekipi i Bundesligës shtanget nga policia: Jemi në Evropë dhe në vitin 2019

Trazirat nuk kanë fund në Evropa League. Pas atij droni të hedhur në ndeshjen mes Dudelange dhe Qarabag, përleshjes së tifozëve të Frankfurtit me policinë portugeze dhe mbështetësit të Guimaresh, vjen edhe rasti në Turqi.

Në përballjen midis Bashakshheirit dhe ekipit të Bundesligës, Monchengladbach, këta të fundit janë shtangur nga “mikëpritja”. Tifozët gjermanë kanë treguar dhe marrë me vete simbolet e klubit, por kanë shfaqur edhe një kryq, që është simboli i qytetit.

Por këto simbole u shfaqen në vendin e gabuar dhe policia turke ka ndërhyrë menjëherë për t’ia rrëmbyer. Gjithashtu janë arrestuar dy tifozë gjermanë për kundërshtitë e tyre dhe ka pasur momente tensioni. Aspak mirë nuk është pritur e gjitha kjo nga drejtuesit e skuadrës gjermane, me drejtorin sportiv të Monchengladbachut, Max Eberl që u shpreh: “Më bën jashtëzakonisht të trishtuar që përjetojmë gjëra të tilla në Evropë dhe në vitin 2019”. /Sport Ekspres/