Trondit YE: Nuk doja fëmijë me Kim, por plani i Zotit ishte ndryshe

Kanye West tronditi publikun me deklaratat e tij për ish-bashkëshorten Kim Kardashian dhe familjen që ka krijuar me të.

Në një intervistë të publikuar më 30 mars në platformën X, reperi foli hapur për konfliktin e tij me yllin e realitetit, fëmijët e tyre – North (11), Saint (9), Chicago (7) dhe Psalm (5), dhe se si marrëdhënia e tyre nuk doli ashtu siç donte ai, transmeton Indeksonline.

DJ Akademiks tha në një intervistë: “Kur flisni për Kim, njerëzit thonë: “Ti e zgjodhe atë. Është faji yt.” Kanye iu përgjigj kësaj pa hezitim: “Absolutisht, ishte gabimi im”.

Më pas erdhi një deklaratë edhe më e ashpër: “Nuk doja të kisha fëmijë me atë person pas dy muajve të parë të lidhjes”, tha West, duke shtuar: “Por ky nuk ishte plani i Zotit”.

Në vazhdim të intervistës, West foli edhe për konfliktin aktual me Kim-in në lidhje me mbrojtjen e emrave të fëmijëve të tyre si markë. Në fillim të këtij muaji, Kanye postoi një mesazh që ai pretendon se tregon Kim duke u përpjekur të bllokojë publikimin e këngës së tij Lonely Roads Still Go to Sunshine, e cila paraqet vajzën e tyre North dhe Diddy, i cili aktualisht është në paraburgim për trafikim seksual.

“Kur vajza ime u shfaq në këngë, kuptova se nuk i kam emrat apo ngjashmërinë e tyre”, tha Kanye. “Unë nuk kam kaluar as gjysmën e kohës me fëmijët e mi, kështu që si është kujdestaria e përbashkët? Fëmijët e mi janë të famshëm dhe unë nuk kam fjalë”./Indeksonline/