Trump: Brenda tetë muajve u dhashë fund tetë luftërave, përfshirë atë mes Kosovës dhe Serbisë

Presidenti i SHBA-së, Donald Trump,ka thënë se SHBA-ja po bën paqe në të gjithë botën.

Ai gjatë fjalimit të tij në në Forumin Amerikan të Biznesit në Miami të mërkurën, përmendi sërish se brenda tetë muajve, u dha fund siç e ka thënë tashmë disa herë “tetë luftërave”.

Trump këtu, ashtu si edhe në deklaratat e mëparshme ka përmendur edhe Kosovën e Serbinë.

“Për tetë muaj i dhashë fund tetë luftërave, duke përfshirë atë mes Kosovës dhe Serbisë, Kongos dhe Ruandës, që kishin vazhduar për një kohë të gjatë… Pakistanit dhe Indisë…, Izraelit dhe Iranit, Egjiptit dhe Etiopisë, Armenisë dhe Azrebejxhanit, Kamboxhias dhe Tajlandës. Të gjithë ishin në luftë…”, tha Trump ndër të tjera.