Trump e rikthen Çmimin Presidencial të Testit të Fitnesit

Presidenti amerikan, Donald Trump, do të nënshkruajë një memorandum presidencial duke rivendosur Çmimin Presidencial të Testit të Fitnesit, sipas Shtëpisë së Bardhë.

Ky hap po bëhet për të ringjallur një program konkurrues fitnesi në shkolla, i cili ishte hequr gradualisht gjatë administratës Obama.

Në nënshkrimin e marrëveshjes do të marrin pjesë anëtarë të Këshillit të Presidentit për Sport, Fitnes dhe Ushqyerje, si dhe anëtarë të bordit të Fondacionit Kombëtar të Fitnesit, përfshirë atletë të profilit të lartë, bashkë me golfistin Bryson DeChambeau, golfistin profesionist në pension Gary Player, mbrojtësin e Baltimore Ravens Amani Oruwariye dhe hedhësin e MLB-së Noah Syndergaard.

Ky veprim rivendos një standard të bazuar në performancë për gjendjen fizike të studentëve, duke i bërë jehonë shtysës më të gjerë të administratës Trump “Ta bëjmë Amerikën përsëri të shëndetshme”.