Trump nominon kongresmenin Ratcliffe për Drejtor të Inteligjencës Kombëtare
Presidenti i Shteteve të Bashkuara të Amerikës, Donald Trump, e ka nominuar kongresmenin republikan John Ratcliffe, për pozitën e Drejtorit të Inteligjencës Kombëtare (DNI).
Kështu ka bërë të ditur Trump përmes një njoftimi në Twitter, ku e ka cilësuar të nominuarin Ratcliffe si një njeri të shquar me talent të madh.
“Kam nderin të ju njoftoj se e kam nominuar kongresmenin John Ratcliffe për të qenë Drejtor i Inteligjencës Kombëtare (DNI). Do ta kisha përfunduar këtë proces më herët, por John donte të priste derisa të mbaronte Raporti IG. Ai është një njeri i shquar me talent të madh”.
I am pleased to announce the nomination of @RepRatcliffe (Congressman John Ratcliffe) to be Director of National Intelligence (DNI). Would have completed process earlier, but John wanted to wait until after IG Report was finished. John is an outstanding man of great talent!
— Donald J. Trump (@realDonaldTrump) February 28, 2020
Kujtojmë se një javë më parë Donald Trump e ka emëruar si ushtrues detyre ambasadorin e SHBA-ve në Gjermani, Richard Grenell, për pozitën e lartpërmendur. Mirëpo tani Trump duket se e ka gjetur njeriun e tij për të qenë shef i inteligjencës kombëtare.
Këtë nominim e ka mirëpritur edhe Richard Grenell i cili është edhe i përzgjedhuri i Shtëpisë së Bardhë për ta ndihmuar dialogun ndërmjet Kosovës dhe Serbisë.
“Urime John Ratcliffe. Ne jemi gati për ju dhe mirënjohës për gatishmërinë tuaj për të shërbyer”.
