Trump nuk e ka në plan që të shkarkojë kreun e Rezervës Federale

Presidenti i SHBA-së, Donald Trump, nuk do të përpiqet të shkarkojë presidentin e Rezervës Federale (FED) Jerome Powell, tha sot Kevin Hessett, shefi ekonomist i Shtëpisë së Bardhë.

Pyetjes së gazetarit nëse puna e Powell është e sigurt, Hessett, u përgjigj: “Po, sigurisht, njëqind për qind”, raporton agjencia Bloomberg.

Një agjenci e Nju Jorkut raportoi javën e kaluar se Trump po udhëheq bisedimet mbi largimin e Powell, duke shkaktuar trazira në tregje.

Trump sot tha se ende i beson Powell dhe Rezervës Federale, por FED shumë shpejt ka rritur normat e interesit.