Trump nuk fitoi çmimin, kreu i Komitetit të Nobelit thyen heshtjen: Vendimet tona merren me integritet, pavarësisht presioneve politike

Kreu i Komitetit Norvegjez të Nobelit, Jorgen Watne Frydnes, ka reaguar pasi presidenti amerikan Donald Trump nuk fitoi çmimin “Nobel” për paqen.

Në një deklaratë për mediat, Frydnes tha se komiteti merr mijëra letra çdo vit, por vendimet merren në mënyrë të pavarur dhe të përgjegjshme:

“Vendimi ynë merret në një dhomë të mbushur me kurajë dhe integritet,” u shpreh ai, duke nënkuptuar se presionet politike apo lobimet e jashtme nuk ndikojnë në procesin e përzgjedhjes së fituesve të çmimit prestigjioz.

Deklarata vjen në një moment kur fushata e gjatë dhe e hapur e Donald Trumpit për të marrë çmimin ka tërhequr vëmendjen e mediave ndërkombëtare, sidomos pas përfshirjes së tij në propozime për paqe në Lindjen e Mesme.