Trump paditë BBC-në
Presidenti amerikan, Donald Trump, ka thënë se ka një detyrim për të paditur median britanike BBC-i, për mënyrën se si një pjesë e fjalimit të tij të 6 janarit të vitit 2021, u redaktua për një dokumentar.
Në një intervistë për Fox News, Trump tha se fjalimi i tij u censurua dhe mënyra se si u prezantua mashtroi shikuesit.
“Mendoj se kam një detyrim t’i padisë. Mendoj se duhet ta bëj sepse ata mashtruan publikun dhe e kanë pranuar këtë. Ata në fakt e ndryshuan fjalimin tim të 6 janarit, i cili ishte një fjalim i bukur, një fjalim shumë i qetë dhe e bënë të dukej radikal”, ka thënë Donald Trump.
Kjo ishte hera e parë që Trump flet publikisht për këtë çështje që kur avokatët e tij i shkruan medias britanike dhe thanë se presidenti do të ngre padi për 1 miliard dollarë dëmshpërblim, nëse transmetuesi nuk e heq dokumentarin, kërkon falje dhe ofron kompensim. Për dëmin e shkaktuar.
BBC-ja redaktoi fjalimin e Trumpit për dokumentarin Panorama, që u transmetua disa ditë para zgjedhjeve presidenciale, në nëntor të 2024-s.
Skandali filloi vetëm javën e kaluar, pasi The Telegraph zbuloi se një ish-këshilltar i jashtëm i pavarur i komitetit të standardeve editoriale të BBC-së ngriti shqetësime se një pjesë e fjalimit ishte redaktuar në një mënyrë që sugjeronte se presidenti inkurajoi në mënyrë të qartë trazirat në Kapitol, më 2021.
Kritikët thanë se mënyra se si u redaktua fjalimi ishte i rremë dhe ishte prerë një pjesë ku Trump tha se donte që mbështetësit të demonstronin në mënyrë paqësore.
Në lidhje me rastin, dorëheqje dhanë drejtori i përgjithshëm, Tim Davie, dhe CEO-ja e lajmeve, Deborah Turness.
