75 Mall Live Search
10:17 / E Premte, 23 Janar 2026 / OSH

Trump pas shumë vjetësh e ndërroi Chevroletin, u pa me Cadillac Escalade

Presidenti i SHBA-së, Donald Trump, po ripërtërin flotën e tij, si në tokë ashtu edhe në ajër.

Këtë javë, në Forumin Ekonomik Botëror në Davos të Zvicrës, autokolona presidenciale prezantoi SUV-të e rinj Cadillac Escalade të blinduar rëndë, ndërsa në të njëjtën kohë pritet edhe dorëzimi i një avioni të ri Air Force One, i cili duhet të zgjidhë problemet me flotën ajrore të vjetëruar.

Ndërsa presidenti Trump mbërriti për takime me udhëheqës botërorë dhe biznesmenë, vëzhguesit u habitën nga një ndryshim në autokolonën e tij. Në vend të Chevrolet Suburban-ëve të njohur që kanë qenë shtylla kurrizore e sigurisë presidenciale amerikane për dekada, të paktën dy Cadillac Escalade masive, të zeza, u panë në rreshtin e parë.

Fotot nga Davosi zbulojnë se automjetet janë larg modeleve të prodhimit. Ato kanë blindazh të përforcuar dukshëm rreth xhamit të përparmë dhe dyerve.

Ky ndryshim nuk është vetëm kozmetik. Për vite me radhë, Chevrolet Suburban ka qenë zgjedhja e parë e shërbimit sekret për shkak të qëndrueshmërisë, hapësirës dhe dizajnit të tij që lejon përshtatje të lehtë për armatura të rënda dhe pajisje komunikimi.

Prezantimi i Escalade, një marke më e nivelit të lartë brenda General Motors, sinjalizon një ndryshim të mundshëm drejt një brezi të ri automjetesh për mbrojtjen e zyrtarëve të lartë qeveritarë. Këto automjete thuhet se janë një konfigurim i ri ose një fazë prove në modernizimin e flotës së shërbimit sekret.

Vetë presidenti Trump thuhet se shprehu interes për SUV-të Cadillac gjatë një takimi me CEO-n e GM, Mary Barr vitin e kaluar. Menjëherë pas kësaj, Curran vizitoi fabrikën e GM në Michigan për të diskutuar “gjeneratën e ardhshme të SUV-ve të blinduar”./Indeksonline/

Mos i humb

Të fundit nga Auto