Trump përdori këngën e Celine Dion për fushatë, reagon këngëtarja

Ekipi i Celine Dion ka reaguar në emër të këngëtares për faktin që Donald Trump përdori një prej këngëve të saj më të famshme në fushatën e tij në Montana.

Gjatë fushatës, Trump bashkë me J.D Vance, u ngjitën në skenë me këngën “My Heart Will Go On”, e cila është edhe kolona zanore e filmit “Titanic”.

Today, Celine Dion’s management team and her record label, Sony Music Entertainment Canada Inc., became aware of the unauthorized usage of the video, recording, musical performance, and likeness of Celine Dion singing “My Heart Will Go On” at a Donald Trump / JD Vance campaign… pic.twitter.com/28CYLFvgER

— Celine Dion (@celinedion) August 10, 2024

Nisur nga kjo, përmes një postimi në X, në llogarinë e Dion, ekipi i saj u shpreh: “Sot, ekipi i menaxhimit të Celine Dion dhe labeli i regjistrimit “Sony Music Entertainment” është vënë në dijeni se është përdorur kënga “My Heart Will Go On”, me video, regjistrimin dhe performancën muzikore në fushatën e Donald Trump/J.D.Vance në Montana”, duke shtuar se Celine Dion nuk ka dhënë aprovimin për këtë veprim. Më pas, ngritën pyetjen: “Vërtet, ajo këngë?”

Dion e ka refuzuar më parë kërkesën e Trump për të performuar në zgjedhjet presidenciale të vitit 2017. Më pas, ajo e refuzoi sërish kërkesën e Trump për të përdorur muzikën e saj. Besojmë se është koha që Trump ta pranojë se Dion thjesht nuk do që ai të bëjë fushatë me këngët e saj!