Trump pritet ta emërojë Richard Grenell drejtor të Inteligjencës Kombëtare

Presidenti i ShBA-së, Donald Trump pritet të emërojë Richard Grenell ushtrues detyre të Shefit të Inteligjencës.

Kjo lëvizje që do ta vendoste të besuarin e Trumpit në krye të agjencive të inteligjencës, do të shikohej me skepticizëm nga Shtëpia e Bardhë.

Tre burime të afërta me ngjarjen kanë thënë të mërkurën në mbrëmje që Trump pritet të emërojë Grenell, ushtrues detyre të drejtorit të Inteligjencës Kombëtare, shkruan New York Times- transmeton Indeksonline.

Grenell do ta merr këtë pozitë nga Joseph Maguire, i cili ka shërbyer si shef i Inteligjencës kombëtare pas dorëheqjes nga kjo pozitë verën e kaluar te Dan Coats.

Grenell, i cili ka qenë një avokues i të drejtave të homoseksualeve edhe në postin e tij aktual, do të jetë anëtar i parë i tillë në kabinetin e Trump, i cili hapur ka deklaruar se është homoseksual.

Grenell nuk është përgjigjur për këtë çështje e as zëdhënësi i Shtëpisë së Bardhë.

Vlen të kujtojmë faktin se Grenell më 23 janar zhvilloi një vizitë në Kosovë, ku takoi krerët e shtetit për të diskutuar zhvillimet e fundit në vendin tonë.  /Indeksonline/