Trump urdhëron që të mos lejohet fluturimi i avionëve Boeing 737 Max-8 mbi Amerikë

Shtetet e Bashkuara të Amerikës kanë kërkuar që të bëhet pezullimi i fluturimeve në hapësirën e tyre ajrore të aeroplanëve Boeing 737 Max-8.

I pari i Amerikës, Donald Trump ka kërkuar nga Administrata Federale e Aviacionit që të mos lejojë fluturimin e këtyre aeroplanëve.

Kësisoj ShBA pas Kanadasë bashkohet me BE-në dhe shumë vende tjera që ndalojnë përdorimin e këtij avioni.

Kjo është pasi të dielën u rrëzua një avion i këtij modeli ku mbetën të vdekur 157 veta.

Vetëm gjashtë muaj më parë 189 persona kishin humbur jetën pas përplasjes në Indonezi  të një Boeing 737 Max-8.