Trump: Zelensky më ka vetëm mua

“Volodymyr Zelensky nuk ka pasur kurrë letra të forta. Ai më ka vetëm mua”, tha presidenti amerikan Donald Trump në një intervistë me “The New York Times”-in.

“Zelensky në të vërtetë nuk ka letra të forta. Ai nuk i ka pasur kurrë, nuk ka pasur që nga fillimi. As tani nuk ka. Ai ka vetëm një gjë”, tha udhëheqësi amerikan.

Mungesa e mbështetjes nga udhëheqësi amerikan do të ishte një katastrofë e plotë për Zelenskyn, theksoi kreu i Shtëpisë së Bardhë.

Më parë, presidenti amerikan ka theksuar vazhdimisht se presidenti ukrainas nuk ka letra të forta në pozicionin e tij negociues.