Trumpi po i ndjek rezultatet me Kennedyn, madje edhe ato të Wisconsinit
Ish-presidenti Donald Trump po i ndjek rezultatet e zgjedhjeve me Robert F. Kennedy Jr., përfshirë rezultatet nga Wisconsin, ku emri i RFK Jr. mbetet në fletën e votimit, pavarësisht përpjekjeve të tij për ta hequr atë nga ky shtet kyç.
Ekipi i Trump po e ndjek me kujdes situatën në Wisconsin, por nuk pret të ketë ndonjë rezultat të menjëhershëm, duke qenë të vetëdijshëm se numërimi mund të zgjasë dhe dallimi mund të jetë e ngushtë.
Kujtojmë se Gjykata e Lartë refuzoi javën e kaluar kërkesën e Kennedy për të hequr emrin e tij nga fletët e votimit në Wisconsin dhe Michigan, shtete kyçe ku votat për fushatën e tij të pezulluar mund të ndikojnë në mbështetjen për Trump.
Kennedy, i cili u tërhoq nga gara presidenciale në gusht dhe dha mbështetjen e tij për Trump, kërkoi nga Gjykata e Lartë, përmes një apelimi emergjent, që të detyronte shtetet të hiqnin emrin e tij nga fletët e votimit. Por zyrtarët e zgjedhjeve në këto shtete argumentuan se votimi i hershëm dhe ai me postë tashmë kishin filluar, duke thënë se ishte tepër vonë për ndryshime.
