Trupat ruse pushtojnë dy fshatra pranë Avdiivka në Ukrainë

Njësitë ruse kanë zgjeruar një korridor të ngushtë rreth vendbanimit rural të Ocheretyne, të kapur një javë më parë. Ata pushtuan fshatrat fqinje – Solovyove dhe Novokalynove – dhe u shtynë përpara në perëndim.

Komanda lindore e Ukrainës tha se forcat e saj kontrollonin dy të tretat e Ocheretyne, ku pati luftime të ashpra.

Rusia pushtoi Avdiivka në shkurt pasi trupat ukrainase u tërhoqën. Forcat e Moskës kanë ecur përpara që atëherë.

Në veriperëndim të Avdiivka, njësitë luftarake ruse kanë arritur rreth 30 km nga qyteti i Pokrovsk, një qendër ushtarake ukrainase.

Më në veri, ata po sulmojnë qytetin e Chasiv Yar, pranë Bakhmut, duke përdorur bomba rrëshqitëse të hedhura nga ajri për të goditur pozicionet ukrainase, shkruan The Guardian.