Turqia administroi dozën e dytë për testet e vaksinës vendore

Turqia sot ka dhënë dozën e dytë për vullnetarët në testet e vazhdueshme për kandidatin vendor të vaksinave kundër COVID-19, ERUCOV-VAC.

Testet e Fazës-2 po kryhen nga Universiteti Erciyes në provincën qendrore Kayseri.

Vullnetari 37-vjeçar Soner Akel, të cilit iu dha doza e dytë, tha se nuk ndjeu ndonjë efekt anësor, raporton Anadolu Agency (AA).

Kreu i universitetit, Mustafa Çalış, tha se ata dëshirojnë të finalizojnë testet e Fazës-2 deri në mes të prillit.

“Studimet e Fazës-2 të vaksinës sonë të zhvilluar në vend janë duke vazhduar. Sot, ne u kemi dhënë dozën e dytë vullnetarëve tanë”, tha Çalış.

Më 14 janar, Turqia nisi fushatën masive të vaksinimit kundër COVID-19 duke filluar me punonjësit e kujdesit shëndetësor.

Që kur u shfaq për herë të parë në dhjetor të vitit 2019, virusi ka marrë jetën e më shumë se 2,6 milionë personave në mbarë botën.

Më shumë se 117,6 milionë raste janë raportuar në të gjithë botën, me rikuperime që arrijnë në mbi 66,6 milionë, sipas shifrave të përpiluara nga Universiteti Johns Hopkins me bazë në SHBA.