Tyson Fury – Pianeta: Kur dhe ku do të zhvillohet dueli i shumëpritur?

Sonte, do të zhvillohet një duel mjaft interesant mes Tyson Furyt dhe Francesco Pianetas.

Së fundmi, Fury e mposhti Sefer Seferin pas katër raundeve pas rikthimit në ring në qershor.

Dhe IndeksOnline ju sjellë krejt çfarë duhet të dini për meçin e sotëm.

Kur do të zhvillohet meçi?

Sonte, pra të shtunën, më 18 gusht.

Në cilin vend?

Në Belfast, në arenën prej 25 mijë ulsesh të quajtur, ”Windsor Park”.

Cili kanal televiziv do ta transmetojë këtë duel?

Sikur ndeshjen e Furyt me Seferin, edhe sonte ky duel do të transmetohet në BT Sport 1 nga ora 20:45 pas ndeshjes në futboll mes Chelseat dhe Arsenalit.

Ekipi promocional i Furyt, Queensberry Promotions, i drejtuar nga Frank Warren, ka një bashkëpunim me transmetuesin e dueleve të Furyt.

Kur meçi pritet të fillojë?

Ky meç pritet të fillojë sonte në mbrëmje nga ora, 21:50.

Kush është Pianeta?

Një ish-kampion evropian i peshave të rënda, 33-vjeçari do të jetë në disavantazh ndaj Furyt pasi është më i lehtë dhe më i shkurtë.

Pianeta ka katër humbje nga 40 duele si profesionist. Katër humbjet e tij erdhën nga Wladimir Klitschko (2013), Ruslan Chagaev (2015), Kevin Johnson (2017) dhe Petar Milas (2018).

Aktualisht, Pianeta është i renditur në vendin e 138-të në ranglistën botërore dhe sonte mund të jetë një test më i vështirë për Furyn se sa Seferi.

Me kë mund të përballet Fury tutje?

Fury do ta donte një duel me Anthony Joshuan, por një duel me kampionin e WBC, Deontay Wilder mund të zhvillohet më përpara se kjo.

Një duel ndërmjet dy boksierëve në fjalë dështoi të arrihet marrëveshja për t’u zhvilluar. Dueli, Fury – Wilder mund të zhvillohet në Las Vegas në nëntor ose dhjetor këtë vit.

Parashikimi?

Pianeta është një kundërshtar shumë më i vështirë se sa Sefer Seferi.

Fury duhet të tregohet më i fortë në ring sonte nëse dëshiron të fitojë sigurt. Por, duke u bazuar në aftësitë e tij, ai mund ta fitojë duelin me knock-out teknik pas raundit të shtatë apo tetë./IndeksOnline/