U kryqëzua nga tifozët, reagon Elseid Hysaj: Kërkoj ndjesë, ishte gabim loje

Elseid Hysaj u kryqëzua nga opinioni publik e tifozët pas humbjes së Shqipërisë me Italinë. Mbi të rëndoi goli i 2-të e i përmbysjes që italianët shënuan me anë të Nicolo Barella.

Ajo ulje koke duke i hapur rrugë topit të shkonte drejt rrjetës, i ka kushtuar shumë kuqezinjve si dhe vetë Hysajt që vuan një barrë të madhe.

Pas disa muajsh, ai ka rihapur llogaritë e tij në rrjete sociale për të dhënë një mesazh drejt tifozëve. Hysaj kërkon ndjesë, ndërsa thekson se për këtë fanellë jep maksimumin e tij.