Ukraina afër të bëhet shteti i parë me Bitcoin-in në Evropë

Ukraina thuhet se është në fazat e fundit të hartimit të një ligji që do të krijonte një rezervë strategjike kombëtare për Bitcoin (BTC), duke e bërë atë vendin e parë evropian që e bën këtë.

Projektligji është pothuajse i përfunduar dhe së shpejti do t’i paraqitet parlamentit për shqyrtim.

Ukraina zotëron tashmë rreth 46,351 BTC, që është afërsisht 4.8 miliardë dollarë dhe shumica e këtyre fondeve u mblodhën përmes donacioneve, konfiskimeve dhe fondeve gjatë luftës me Rusinë. Ligji i planifikuar synon të formalizojë menaxhimin e këtyre fondeve dhe të integrojë Bitcoin në strategjinë financiare kombëtare, shkruan Indeksonline.

Në procesin e hartimit të ligjit, Ukraina po bashkëpunon me bursën e kriptomonedhave Binance, e cila po ofron mbështetje teknike dhe strategjike. Përfaqësuesi i Binance për atë rajon, Kiril Khomyakov , theksoi se zbatimi i një rezerve të tillë do të kërkojë ndryshime të rëndësishme legjislative dhe një përkufizim të qartë të kuadrit rregullator për asetet kripto në Ukrainë.

Duhet të kujtojmë se presidenti i Ukrainës, Volodymyr Zelensky, luajti një rol kyç në formësimin e politikës së kriptovalutave të vendit. Konkretisht, në mars të vitit 2022, ai nënshkroi një ligj që legalizon kriptovalutat, duke krijuar një kuadër rregullator për asetet dixhitale dhe duke mundësuar funksionimin ligjor të bursave të kriptovalutave në Ukrainë.

Ligji i ri duhet t’i lejojë shtetit jo vetëm të menaxhojë në mënyrë transparente fondet ekzistuese, por edhe të përdorë Bitcoin-in si pjesë të rrjetit të tij të sigurisë fiskale në planin afatgjatë./Indeksonline/