21:47 / E Premte, 24 Qershor 2022 / OSH
Ukrainës mund t’i duhen të paktën 10 vite për të pastruar tokën e ujin nga minat
“Ukrainës do t’i duhet të paktën një dekadë për të pastruar të gjitha minat dhe eksplozivët nga toka dhe uji i saj pas luftës.”
Kështu është shprehur të premten një zëdhënës i shërbimit të urgjencës shtetërore të Ukrainës.
Deri më tani, Ukraina ka arritur të pastrojë 620 kilometra katrorë tokë që ishte e mbushur me mijëra pajisje shpërthyese, duke përfshirë 2,000 bomba të hedhura nga ajri, sipas Oleksandr Khorunzhiy.
Pothuajse 300,000 kilometra katrorë, rreth gjysma e territorit të Ukrainës, shihen ende si të kontaminuara.
