United i kërkon Barcelonës të huazojë Marcos Alonson

Tregu i transferimeve po hyn në fazën e tij përfundimtare dhe përveç punës për blerjet e reja, Barcelona po kërkon gjithashtu të shkarkojë disa lojtarë. 

Fillimisht, Marcos Alonso nuk ishte në mesin e lojtarëve të caktuar për largim dhe ai shprehu interesin e tij për të qëndruar. Megjithatë, merkato është në lëvizje dhe një ofertë zyrtare i është paraqitur klubit, duke sugjeruar se lojtari mund të huazohet në Premier League.

Është Manchester United që po kërkon të forcojë mbrojtjen e tyre dhe ata synojnë ta bëjnë këtë duke sjellë në huazim Marcos Alonso, mbrojtësin e majtë 32-vjeçar. Klubi anglez tashmë ka nisur punën drejt këtij objektivi.

FC Barcelona ka marrë propozimin për huazim për Alonson, me qëllim që ai t’i bashkohet ekipit të Mançesterit sa më shpejt të jetë e mundur. /IndeksOnline/